ပတ်ဝန်းကျင်ထိန်းသိမ်းရေးဦးစီးဌာနသည် ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနလက်အောက်ရှိ ဦးစီးဌာန (၆)ခုအနက်မှ ၂၀၁၂ခုနှစ်တွင် အသစ်တိုးချဲ့ဖွင့်လှစ်ခဲ့သည့် ဌာနတစ်ခုဖြစ်ပါသည်။ ပတ်ဝန်းကျင်ထိန်းသိမ်းရေး ဦးစီးဌာနသည် အမျိုးသား ပတ်ဝန်းကျင် ထိန်းသိမ်းရေးနှင့် ပတ်သက်သော လုပ်ငန်းများ အောင်မြင်စွာအကောင်အထည် ဖော်ဆောင်ရွက်နိုင်ရန်အတွက် သက်ဆိုင်ရာ နှီးနွယ်နေသော အစိုးရဝန်ကြီးဌာနများ၊ အစိုးရမဟုတ်သောအဖွဲ့အစည်းများ၊ လူမှုရေးအသင်း အဖွဲ့များ၊ နိုင်ငံတကာအဖွဲ့အစည်းများနှင့် ချိတ်ဆက်ပူးပေါင်း ဆက်သွယ်၍ ပတ်ဝန်းကျင်ထိန်းသိမ်းရေး ဆိုင်ရာ မူဝါဒများ၊ နည်းဥပဒေများ၊ စီမံကိန်း၊ စီမံချက်များ ရေးဆွဲအကောင် အထည်ဖော်ဆောင်ရွက်လျက်ရှိပါသည်။
– စီမံခန့်ခွဲရေးဌာန
– လူ့စွမ်းအားအရင်းအမြစ်ဌာန
– ဘဏ္ဍာရေးဌာန
– မူဝါဒနှင့် ဥပဒေရေးရာဌာန
– စီမံကိန်း၊ စာရင်းအင်းနှင့် ပထဝီဆိုင်ရာ သတင်းအချက်အလက်ဌာန
– အပြည်ပြည်ဆိုင်ရာနှင့် ဒေသဆိုင်ရာ ဆက်ဆံရေးဌာန
– ရာသီဥတုပြောင်းလဲမှုဆိုင်ရာဌာန
– ပတ်ဝန်းကျင်အရည်အသွေးနှင့် စံချိန်စံညွှန်းဌာန
– ပတ်ဝန်းကျင်ညစ်ညမ်းမှုထိန်းချုပ်ရေးဌာန
– သဘာဝသယံဇာတထိန်းသိမ်းရေးဌာန
– ပတ်ဝန်းကျင်ထိခိုက်မှုဆန်းစစ်ရေးဌာန
